Mass-media fondi Vasiylik kengashi raisi o`rinbosari, O`zbekiston Respublikasi Gender tengligini ta`minlash bo`yicha komissiyasi a`zosi Saida Mirziyoeva 14 fevral 20:30 da Milliy telekanalida «Mendirman Jaloliddin» tarixiy serialining namoyishi boshlanishini ma`lum qildi.
" - Turk hamkasblarimiz bilan hamkorlikda suratga olingan ushbu serial taqdimoti 2020 yil 4 oktyabrda o`tkazilgan edi.
Film real tarixiy voqealar asosida mualliflarning badiiy talqini bilan boyitilgan. Unda so`nggi xorazmshoh, sarkarda Jaloliddin Manguberdi hayoti va kurash yo`li aks ettiriladi.
Ajoyib ssenariy, aktyorlarning betakror ijrosi... Serial birinchi daqiqalaridan oxirigi qismigacha tomoshabinni o`ziga jalb qiladi. Va eng muhimi, o`lkamiz tarixi haqida kinoning barcha uchun tushunarli va rang-barang tilida hikoya qiladi.
Ko`ring, tavsiya qilaman!", - deydi Saida Mirziyoeva.