Bugun internet tarmoqlarida Bollivud yulduzi Shohruxxon O`zbekistonda Boburiylar saltanatining poydevori hisoblangan Zahiriddin Muhammad Bobur hayoti va ijodi yuzasidan kinoserial tasvirga olish bo`yicha O`zbekiston Respublikasi Madaniyat vazirligi bilan kelishuvga erishgani haqida xabarlar tarqaldi.
Xabarlarda aytilishicha, ushbu serial 2 ta fasldan iborat bo`lib, unda Bobur Mirzoning yoshligidan Hindiston hududlarini bosib olgan davrlari hamda avlodlarining hayotiy faoliyati tasvirga olinadi.
Madaniyat vazirligi mazkur xabar asossiz yolg`on ma`lumot ekanligini va bu borada vazirlik Bollivud kino ijodkorlari bilan kelishuv imzolamaganini ma`lum qiladi.