«Barselona» klubi himoyachisi Jerar Pike Ispaniya kubogi yarimfinali doirasidagi «Sevilya»ga (3:0) qarshi bahsda jarohat olgan. Bu haqda klub rasmiy sayti xabar bermoqda.
«Jerar Pike bugun, 4 mart payshanba kuni tibbiy tekshiruvdan o`tgach, uning o`ng oyoq paylari shikastlangani ma`lum bo`ldi» - deyiladi xabarda. Futbolchining safga qachon qaytishi ma`lum qilinmagan.
Eslatib o`tamiz, Pike jamoasini finalga chiqishi yo`lidagi muhim goliga mualliflik qilgan bo`lsa-da, goldan keyin maydonda oqsoqlanib yurgandi.
Avvalroq, 34 yoshli himoyachi jarohati sababli qariyb uch oy maydonga tusha olmagandi.
