«Барселона» клуби ҳимоячиси Жерар Пике Испания кубоги яримфинали доирасидаги «Севилья»га (3:0) қарши баҳсда жароҳат олган. Бу ҳақда клуб расмий сайти хабар бермоқда.
«Жерар Пике бугун, 4 март пайшанба куни тиббий текширувдан ўтгач, унинг ўнг оёқ пайлари шикастлангани маълум бўлди» - дейилади хабарда. Футболчининг сафга қачон қайтиши маълум қилинмаган.
Эслатиб ўтамиз, Пике жамоасини финалга чиқиши йўлидаги муҳим голига муаллифлик қилган бўлса-да, голдан кейин майдонда оқсоқланиб юрганди.
Аввалроқ, 34 ёшли ҳимоячи жароҳати сабабли қарийб уч ой майдонга туша олмаганди.
