«Real» hujumchisi Karim Benzema La Liganing 26-turi doirasida «Atletiko»ga qarshi bahsda maydonga tushishi mumkin. Bu haqda Sport—Ekspress ma`lum qildi.
Fransiyalik futbolchi juma kuni jamoaning umumiy guruhdagi mashg`ulotlarida qatnashdi.
Benzema madridliklarning so`nggi 3 o`yinini jarohat tufayli o`tkazib yuborgandi. U so`nggi bor 14 fevralda «Valensiya» (2:0) bilan bahsda maydonga tushgandi.
Hujumchi bu mavsumda La Ligada 21ta o`yinda 12ta gol urgan.
