O`zbekiston Respublikasi Tashqi ishlar vaziri Abdulaziz Kamilov ertaga, 10-mart kuni amaliy tashrif bilan Pokiston Islom Respublikasiga boradi. Bu haqda Tashqi ishlar vazirligining Matbuot xizmati ma`lum qildi.
Uchrashuv va muzokaralar davomida O`zbekiston va Pokiston o`rtasidagi hamkorlikni yanada chuqurlashtirish, ikki tomonlama munosabatlarni mintaqaviy aloqalar sharoitida muhokama qilish rejalashtirilgan.
Tomonlar, shuningdek, joriy yilga mo`ljallangan oliy va yuqori darajadagi qo`shma tadbirlar jadvalini ham ko`rib chiqadilar.
