Avvalroq, Toshkentda O`zbekiston-Qirg`iziston biznes-forumi va birinchi ishbilarmonlar kengashining yig`ilishi haqida xabar bergan edik.
O`zbekiston — Qirg`iziston biznes forumi va Ishbilarmonlar kengashining birinchi yig`ilishi yakuniga etdi. Bu haqda O`zbekiston Milliy axborot agentligi xabar berdi.
"Anjuman ishini olib borgan mamlakatimiz Savdo-sanoat palatasi raisi Adham Ikromov so`nggi yillarda ikki mamlakat ishbilarmon doiralari o`rtasidagi savdo-iqtisodiy hamkorlik sezilarli darajada faollashganini ta`kidlarkan, bu borada Savdo-sanoat palatalari ishtiroki ham muhim ahamiyat kasb etishini bildirdi. Shuningdek, hududlararo kooperasiya aloqalarini yo`lga qo`yish, sanoat kooperasiyasini takomillashtirish, tovar va xizmatlarning o`zaro savdosi uchun qulay sharoitlar yaratish bo`yicha ishlarni davom ettirish zarurligiga e`tibor qaratdi.
Mas`ul vazirlik va idoralar vakillari O`zbekistonning iqtisodiy salohiyati bilan mehmonlarni tanishtirish maqsadida maxsus taqdimot materiallarini namoyish etishdi.
Forum davomida 20 dan ortiq sohada faoliyat yuritayotgan tadbirkorlar o`z mahsulotlari va xizmatlarini hamkorlik qilish istagida bo`lgan hamkorlarga ko`rsatib, o`z faoliyatlarining afzal tomonlari, ustuvor jihatlari bo`yicha fikr almashdilar.
Biznes forumi va Ishbilarmonlar kengashi yig`ilishi yakunida qishloq xo`jaligi, qurilish, turizm, logistika, xizmat ko`rsatish hamda to`qimachilik sohalarining 10 dan ortiq yo`nalishida faoliyat yuritayotgan tadbirkorlar o`rtasida qizg`in muzokaralar o`tkazilib, bir qator hamkorlik to`g`risidagi kelishuvlar imzolandi",–deyiladi O`zA axborotida.
13.09.2023, 11:02
Osiyo kubogi uchun saralash o`yinlari yakunlandi, deya xabar bermoqda "darakchi.uz" muxbiri. Ma`lum bo`lishicha, so`nggi 6 o`yinda raqiblari darvozasiga 25 ta gol kiritib, 3 ta gol o`tkazib...
24.01.2023, 10:47
Avval xabar qilganimizdek, O`zbekiston va Qirg`iziston hamkorlikda 19 turdagi engil avtomobillar, jumladan mikroavtobus, pikap, sedan va boshqalarni ishlab chiqarishni rejalashtirgan. Qirg`izistonda ishlab chiqarilgan avtomobillar narxi 13...
18.01.2023, 11:45
Rossiya prezidenti Vladimir Putin iqtisodiy masalalar bo`yicha yig`ilish o`tkazdi va unda Markaziy Osiyo mamlakatlaridagi sovuqlar haqida fikr bildirdi. Rossiya rahbari bosh vazir Mixail Mishustindan agrosanoat majmuasida...
09.12.2022, 09:30
Rossiya prezidenti Vladimir Putin Qirg`izistonga keldi. Bu haqda "Sputniq Qirg`iziston" xabar bermoqda. Ma`lum qilinishicha, Rossiya prezidentini "Manas" aeroportida Vazirlar Mahkamasi raisi – Prezident Administrasiyasi rahbari...
