Bugun “O`zbekkino” Milliy agentligi tashabbusi bilan taniqli kinoijodkorlardan tashkil topgan “Kinokarvon” guruhi ijodkorlari bilan Navoiy shahridagi Yoshlar markazida "O`zbekkino" Milliy agentligi buyurtmasiga binoan "O`zbekfilm" DUK tomonidan suratga olingan "Muqimiy" filmining premerasi bo`lib o`tdi.
Premeradan oldin film rejissyori, O`zbekistonda xizmat ko`rsatgan artist Fotih Jalolov etuk adibimiz, shoir va jamoat arbobi Muhammad Aminxo`ja Muqimiyning shaxsi, umr yo`llari hamda filmning s`yomka jarayonlari haqida so`zladi.
Ssenariy muallifi Rustam Jabborov, postanovkachi operator Muzaffar Yusupov, postanovkachi rassom Alisher Umrzoqov. Filmda Ulug`bek Rustamov, Egamberdi Rahimov, Begzod Hamroev, Adiz Rajabov, Ma`rifat Ortiqova, Marjona O`ljaeva o`ziga xos rollarni ijro etishgan.
“Muqimiy” filmi iliq kutib olindi va namoyishdan so`ng, “Kinokarvon” guruhidagi ijodkorlar bilan suhbatlar, fotosessiyalar bo`lib o`tdi.