8 aprel kuni O`zbekiston Respublikasi Prezidenti «Kino san`ati va sanoatini yangi bosqichga olib chiqish, sohani davlat tomonidan qo`llab-quvvatlash tizimini yanada takomillashtirish to`g`risida» Farmon imzoladi. Kino sohasidagi uzoq yillik muammolarga echim sifatida xizmat qiladigan ushbu farmon va qaror yuzasidan «O`zbekfilm» studiyasida kinoijodkorlar, mutaxassislar va ommaviy axborot vositalari ishtirokida kino-forum bo`lib o`tdi.
Forum davomida kino sohasida tub islohotlar ko`zda tutilgan farmonning mazmun mohiyati ijodkorlar va mutaxassisi ochib berildi. Shuningdek, tarixiy deya atalayotgan farmon uchun o`zbek kinoijodkorlari Davlat rahbariga minnatdorchilik xatini yo`llashdi. Matn quyida to`liq shaklda keltiriladi.
Tadbir davomida so`zga chiqqanlar mazkur farmonning ayrim jihatlarini alohida qayd etishdi. Xususan, gonorarlar tizimi zamon talabi bo`yicha o`zgarayotgani, byurokratik to`siqlarning olib tashlanayotgani, ijodkorlar uchun rahbatlantirish mexanizmlari joriy etilayotgani, moddiy texnik baza kuchaytirilayotgani, kinosanoatini jonlantirishda berilayotgan imtiyozlar hamda kinoteatrlar tarmog`ini rivojlantirish bo`yicha choralarni kinoijodkorlar olqishlar bilan qabul qilishdi. Ko`tarinki kayfiyatda o`tgan tadbir davomida o`zbek kinochilari bu farmon nafaqat kelajakka ishonch taqdim etayotgani balki ulkan ma`sulyat ekanligini ham ta`kidlashdi.
So`nggi paytlar Davlat rahbari darajasida sohaga qaratilayotgan e`tibor o`zbek kinosini yangi bosqichga olib chiqishiga ishonch bildirishdi. Tadbir so`nggi bayramga ulanib ketdi. Forumdan so`ng barcha qatnashchilar bayram dasturxoniga taklif qilindi.
