2021-yilning 13-aprel kuni O`zbekiston Respublikasi Tashqi ishlar vaziri Abdulaziz Kamilov Rossiya Federasiyasi Tashqi ishlar vaziri o`rinbosari Andrey Rudenkoni qabul qildi. Bu haqda Tashqi ishlar vazirligining Matbuot xizmati xabar qildi.
Uchrashuvda bugun bo`lib o`tgan O`zbekiston-Rossiya siyosiy maslahatlashuvlarining navbatdagi davrasi yakunlari sarhisob qilindi, ikki tomonlama hamkorlikning dolzarb masalalari ko`rib chiqildi hamda joriy yilda turli darajalarda qo`shma tadbirlarni o`tkazish borasida rejalar belgilab olindi.
