O`zbekiston Respublikasi Prezidenti Shavkat Mirziyoev va Pokiston bosh vaziri Imron Xon o`rtasida 14 aprel kuni bo`lib o`tgan onlayn sammit davomida ikki mamlakat rahbarlari tomonidan madaniy-gumanitar hamkorlik dasturlarini ilgari surish masalalariga alohida e`tibor qaratildi.
Xususan, ko`p qirrali hamkorlikning muvaffaqiyatli modelini yaratishda muhim ahamiyatga ega ta`lim, madaniyat va turizm kabi sohalarda hamkorlikni izchil rivojlantirish inobatga olindi.
Pokiston va O`zbekiston o`rtasidagi madaniy-ma`naviy va diniy yaqinlik anʼanasi bo`lgan do`stlik, ishonch, o`zaro tushunish va bir-birining manfaatlarini hurmat qilishning samarali vositasi sifatida qaraldi.
Sohadagi hamkorlik madaniyatlarning o`zaro boyligi va aloqadorligi, umumiy madaniy-gumanitar makonning shakllanishiga xizmat qiladi.
Madaniy aloqalarni saqlab qolish, shuningdek, ikki davlat o`rtasida iqtisodiyot, siyosat, xavfsizlik sohalarida barqaror hamda uzoq muddatli aloqalarni o`rnatish va rivojlantirishning asosiy shartidir.
Shu o`rinda, O`zbekiston Pokiston bilan madaniy aloqalarni mustahkamlash kursini oladi, bu bilan ikki mamlakat o`rtasidagi munosabatlarning ortib borayotgan traektoriyasi yanada ta`minlanadi.
Kelishuvlar madaniy-gumanitar hamkorlikning muhim organik elementi bo`lgan fan va ta`lim sohasidagi hamkorlikka yangi turtki beradi.
Jumladan, pokistonlik yoshlarning O`zbekistonda ta`lim olishga bo`lgan qiziqishini oshirish tendensiyasi eʼtiborga olinmoqda.
2020-yilda O`zbekiston oliy o`quv yurtlarida tahsil olayotgan pokistonlik talabalar soni 232 kishiga etdi. Ularning katta qismi (98%) tibbiy sohadagi universitetlarda ta`lim olishadi.
Bu ko`rsatkich 2019-yilga nisbatan (27 kishi) 9 barobar ko`paygan. Kuzatilayotgan jadal o`sish surʼatlari Pokistonni O`zbekiston ta`lim xizmatlarining asosiy isteʼmolchilaridan biriga aylantiradi.
Kelishuvlar Pokiston bilan ta`lim sohasidagi hamkorlikni mustahkamlash O`zbekistonning musulmon dunyosidagi ilmiy va ma`rifiy markaz sifatidagi tarixiy maqomini tiklash kabi strategik maqsadlariga xizmat qiladi.
Pokiston tomoni bilan sammit davomida ilmiy va ta`lim sohasiga oid yuqori saviyadagi rejalar ham muhokama etildi. Bular ikki mamlakatning etakchi universitetlari, ilmiy-tadqiqot institutlari, kutubxonalari va muzeylari o`rtasidagi hamkorlikni rivojlantirish, shuningdek, Boburiylar sulolasi merosi bo`yicha qo`shma tadqiqotlar o`tkazishdan iboratdir.
Mamlakatimizning madaniy va tarixiy diqqatga sazovor joylarga, tabiiy qiziqish uyg`otadigan musulmon davlatlaridan sayyohlar oqimini ko`paytirish uchun zarur va eng qulay sharoitlarni yaratishga mo`ljallangan “ziyorat-turizm”ni rivojlantirish kabi sohalarda Pokiston bilan madaniy-gumanitar hamkorlik aloqalarini o`rnatish O`zbekiston rejalari bilan hamohangdir.
2019-yil yakunlariga ko`ra, Pokiston sayyohlari O`zbekistonga kelgan musulmon davlatlari orasida ikkinchi o`rinni egallagan. 2016-yildan 2019-yilgacha Pokistondan O`zbekistonga kelgan sayyohlar soni 400 kishidan 5 ming kishiga oshdi.
Sayyohlik almashinuvi o`sishining ijobiy dinamikasiga qaramay, ushbu ko`rsatkichlar hali ham mamlakatga turistik maqsadlar uchun kelgan chet el fuqarolari umumiy sonining 0,1 foizidan kamrog`ini tashkil etadi. Bu esa turizm sohasidagi hamkorlik uchun ulkan imkoniyatlar mavjudligini anglatadi.
Ma`lumki, O`zbekiston bugungi kunda Islom hamkorlik tashkilotiga a`zo mamlakatlar o`rtasida ziyorat turizmi yo`nalishlari bo`yicha eng yaxshi o`nta mamlakat qatoriga kiradi. Pokiston esa musulmon aholisi soni bo`yicha dunyoda ikkinchi o`rinda turadi.
Bu esa tomonlarni turizm sohasida hamkorlikka yangi turtki berish yo`llarini izlashga undaydi. Shu maqsadda 2019-yilda Islomobodda O`zbekiston turizm markazi tashkil etilib, 2020-yilda “Naqshbandiya” oqimining etakchilaridan biri X.Rahmon Pokistonda O`zbekiston ziyorati turizmining elchisi etib tayinlandi.
Shuningdek, havo qatnovini tezda qayta tiklash, viza rejimini soddalashtirish masalalari ham ko`rib chiqilmoqda.
Islomobod va Toshkent o`rtasida charter reyslarini tashkil etish. O`tgan yuqori darajadagi muzokaralar jarayonida aynan shu mavzular asosiy o`rinni egalladi.
O`zbekiston bilan Pokiston o`rtasida madaniy-gumanitar aloqalarni rivojlantirish bo`yicha erishilgan yangi kelishuvlar ikki davlatning o`zaro manfaatli hamkorligini barcha sohalarda kengaytirish uchun qo`shimcha qulay shart-sharoitlarni yaratishga qaratilgan.
