Toshkentda bo`lib o`tayotgan Maxsus komissiya yig`ilishida Bosh vazir Abdulla Aripov pandemiya bilan bog`liq iqtisodiy masalalar va vaksinasiya jarayoniga alohida to`xtalib o`tdi:
“Prezidentimiz boshidan bu masala bo`yicha to`g`ri yo`nalish berdilar. Hozirgi kunda vaksinasiya boshlangan har bir punktda eng kamida ikkitadan vaksinani taklif qilyapmiz.
Bu yil pandemiya bilan kurashish uchun 3 trillion so`mdan ortiq mablag` ajratib berilgan.
Biroq, bu masalaga alohida e`tibor qaratishimiz lozim. Barqarorlikka erishilishi, mutaxassislarning tavsiyasi bilan to`y va ma`rakada qatnashuvchilar sonini 100 kishigacha oshirdik.
Hattoki, ba`zi rahbarlar ham 100 kishi mumkin ekan deb, to`ylarni 200-300 kishilik qilib o`tkazyapti. Davlat boshqaruv idoralarida rahbar lavozimlarida ishlayotganlarning o`zi shuni qilyapti. Shunday ma`lumotlar ham yo`q emas. kerak bo`ladigan bo`lsa, aynan shu deb lavozimidan ketadi.
Kuni kecha prezidentimiz shu bo`yicha juda qattiq e`tiroz bildirdilar. Bir-ikki rahbar karantin talablariga rioya qilmagani uchun ham ishdan ketadi. Kechirasizlar-ku, oldin to`ylarni to`xtatishgacha borgan bo`lsak, hozir ham qilamiz shu ishni. Xalq salomatligi uchun qilinadi shu narsa”.
Mavzuga doir:
O`zbekistonga «afrikancha» shtamm ham kirdi — Bosh vazir
Tezkor! 18 apreldan karantin nazorati yanada kuchaytiriladi
Ovqatlanish muassasalari va avtobuslarda o`rindiqlar soni 50 foizgacha cheklanadi
Yil oxirigacha O`zbekiston o`z vaksinasini chiqarishi mumkin — Abdulla Aripov
Taroveh namozlarini ochiq hududlarda ado etish bo`yicha ko`rsatma berildi
