Shavkat Mirziyoev bugun, 30 aprel kuni Tojikiston va Qirg`iziston prezidentlari bilan telefon orqali muloqot qildi. Bu haqda O`zbekiston prezident matbuot xizmati xabar berdi.
Tojikiston prezidenti Imomali Rahmon bilan telefon orqali muloqotda davlat rahbarlari Tojikiston-Qirg`iziston chegarasidagi vaziyatning rivojlanishini muhokama qildi.
O`zbekiston prezidenti yuzaga kelgan vaziyatni tez fursatda hal qilish va uning keskinlashuviga yo`l qo`ymaslik bo`yicha Tojikiston va Qirg`iziston tomonlari erishgan kelishuvlarni qo`llab-quvvatladi.
Mavjud barcha masalalar do`stlik, yaxshi qo`shnichilik va sheriklik munosabatlari ruhida, faqat muzokaralar va maslahatlashuvlar yo`li bilan hal qilinish muhim ekani ta`kidlandi.
Tojikistonga bo`lajak oliy darajadagi tashrifga tayyorgarlikning borishi ham ko`rib chiqildi. Mamlakatlar bosh vazirlari o`tgan hafta Xo`jand shahrida o`tkazgan amaliy uchrashuvning samarali natijalari mamnuniyat bilan qayd etildi.
O`zbekiston va Tojikiston o`rtasida uzoq muddatli istiqbolga mo`ljallangan keng ko`lamli hamkorlikning yangi “o`sish nuqtalari”ni birgalikda aniqlash muhimligi alohida ta`kidlandi.
Shuningdek, Qirg`iziston prezidenti Sadir Japarov bilan telefon orqali muloqotda mintaqaviy hamkorlik va ikki tomonlama kun tartibidagi dolzarb masalalar ko`rib chiqildi.
Prezidentlar Qirg`iziston-Tojikiston chegarasida yuzaga kelgan vaziyatni va uni tez fursatda hal qilishni muhokama qildi. Qirg`iziston va Tojikiston tomonlari vaziyatni barqarorlashtirish va uning yanada keskinlashishiga yo`l qo`ymaslikka qaratilgan kelishuvlarga erishgani mamnuniyat bilan qayd etildi.
Yuzaga kelayotgan barcha bahsli masalalar ko`p asrlik do`stlik, yaxshi qo`shnichilik, ishonch va sheriklik ruhidagi muloqot asosida hal qilinishi zarur ekani ta`kidlandi.
Davlat rahbarlari joriy yil mart oyida Toshkent shahrida o`tgan sammit yakunida qabul qilingan qo`shma qaror va kelishuvlarni amalga oshirish masalalariga alohida to`xtaldilar.
Qabul qilingan majburiyatlarni so`zsiz bajarish va ustuvor loyihalarni ilgari surish maqsadida faol almashinuvlarni davom ettirish va hamkorlikni kengaytirish muhimligi qayd etildi.
21.10.2022, 13:45
Turkmanistonga rasmiy tashrif doirasida O`zbekiston Prezidenti Shavkat Mirziyoev ushbu mamlakat Parlamentining yuqori palatasi raisi Gurbanguli Berdimuhamedov bilan uchrashdi, deya xabar bermoqda Prexident matbuot xizmati. Davlatimiz rahbari...13.10.2022, 11:20
O`zbekiston Prezidenti Shavkat Mirziyoev Ostona shahrida bo`lib o`tayotgan Osiyoda hamkorlik va ishonch choralari bo`yicha kengash VI sammitida nutq so`zladi. O`zbekiston rahbari Afg`onistondagi vaziyatni hal etish va...29.08.2022, 11:46
Avval xabar qilganimizdek, Bugun Prezident Shavkat Mirziyoev Urganch shahrida buyuk sarkarda va davlat arbobi Jaloliddin Manguberdi haykalining tantanali ochilish marosimida ishtirok etish uchun Xorazm viloyatiga...17.08.2022, 16:42
Saudiya Arabistoni Podshohi Salmon bin Abdulaziz Ol Saudning taklifiga binoan ushbu mamlakatga borgan O`zbekiston Respublikasi Prezidenti Shavkat Mirziyoev tashrifni Madinai munavvara ziyoratidan boshladi. O`zbekiston rahbari Madina...