O`zbekiston va Fransiyalik tadbirkorlar o`rtasida “Beldirsoy-Chimyon-Nanay” xalqaro umummavsumiy kurortini yaratish loyihasini moliyalashtirish bo`yicha moliyaviy bayonnoma imzolandi. Bu xaqda Namangan viloyati hokimligi Axborot xizmati xabar bermoqda.
Namangan turizm markazi 14,5 gektar hududda joylashib, quyidagilarni o`z ichiga oladi.
Xususan:
• jami 920 o`rinli 2 ta 5 yulduzli mehmonxona;
• jami 549 kishiga mo`ljallangan ustki nafas yo`llari va diabet kasalliklarini davolovchi sihatgoh;
• jami 1174 o`rinli 78 ta villa mehmonxonasi;
• 9,0 ming kv2 savdo markazi;
• 1,0 ming kv2 restoran va kafe;
• tog` cho`qqilari va mehmonxonalar hududlarini birlashtiruvchi 1200 kishi/soat qamrovli tog`-dor yo`li liniyalari rejalashtirilgan.
Nanay turizm markazi gul etishtirish, ta`lim muassasalari hamda festivallar o`tkazishga mo`ljallangan gulzorlar, gulchilik muzeyi, botanika bog`i va gulchilik tajriba klasterlari (guldan yog` olish, sovun ishlab chiqarish va turli hunarmandchilik ustaxonalari) joy oladigan kichik sanoat zona sifatida rejalashtirilgan.
Shaharcha markazi va kichik turizm markazlari o`rtasida yaxlit rishta vazifasini bajaruvchi tog` dor yo`li tizimi 2 ta aholi hududini biri biriga bog`lab turadi. Shaharchaning eng xushmanzara joylarini kuzatish mumkin bo`lgan cho`qqida tomosha ayvoni barpo etiladi.
