Joriy yilning 12 -13 iyun kunlari Dubay shahrining "Choithrams" supermarketlar tarmog`i ish boshqaruvchisi janob Moxamad Ali, "Umer Ali Trading" MChJ rahbari janob Favas hamda "The house of organic" rahbari janob Mujaxid Xusaynlar Farg`ona viloyatiga tashrif buyurishgan. Bu haqda Farg`ona viloyati hokimligi Axborot xizmati xabar berdi.
Viloyat hokimligida viloyat hokimining o`rinbosari-viloyat investisiyalar va tashqi savdo boshqarmasi boshlig`i Iqboljon Ergashev dubaylik ishbilarmonlar bilan uchrashgan. Muloqotda Farg`ona viloyatining meva va sabzavotlar geografiyasini kengaytirish, Dubay supermarketlariga meva mahsulotlarini olib kirish masalasida hamkorlikni yo`lga qo`yish muhokama qilingan.
Shundan so`ng mehmonlar viloyatning meva sabzavotchilik xususan, gilos, o`rik, anor, olma va boshqa mevalarni etishtirishdagi ilg`or tajribalar bilan tanishish maqsadida Oltiariq va Quva tumanlarida bo`lishgan.
Yakunda ikki tomon vakillari istiqboldagi rejalarni kelishib oldilar.
