21 mart kuni erta tongda Ispaniyada yirik avtomobil halokati sodir bo`ldi, buning oqibatida 13 kishi hayotdan ko`z yumdi.
61 kishini Valensiya-Berselona yo`nalishida olib ketayotgan avtobus qarama-qarshi yo`lga chiqib ketib, avtomobil bilan to`qnashib ketgan. Oqibatda 13 kishi halok bo`lgan, qurbonlarning barchasi qizlar, deb yozadi Euronews. Hozirda ularning fuqaroligi aniqlangan. Bu haqda Kataloniya hukumati xabar berdi.
YTH oqibatida etti nafar Italiya, ikki nafar Germaniya, shuningdek Ruminiya, Fransiya, O`zbekiston va Avstriya fuqarolari vafot etgan. Qizlarning yoshi 19 dan 25 yoshgacha bo`lgan, dastlabki ma`lumotlarga ko`ra, ularning ayrimlarida xavfsizlik kamari taqilmagan. Barcha yo`lovchilar Kataloniya universiteti talabalaridir.
Avtobus salonidagi qolganlar turli darajadagi tan jarohati olgan.
Aytish joizki, haydovchining qonidan alkogol va giyohvandlik moddalar aniqlanmagan, halokatga «inson omili» sabab bo`lgan, deydi Ispaniya IIV Xorxe Fernandes Dias
Jabrlanganlarning barchasi 22 dan 29 yoshgacha bo`lgan Ispaniyalik, Buyuk Britaniya, Shveysariya, Norvegiya, Turkiya va Ukraina fuqarolari bo`lgan yoshlardir. Ular Valensiyada bo`lib o`tgan an`anaviy “Las-Falyas” festivalida ishtirok etib qaytayotgan bo`lgan.
Kataloniyada halok bo`lganlar hotirasiga motam e`lon qilindi.
Avvalroq, 19 mart kuni Rostov-Donda halokatga uchragan Boeing samolyotida O`zbekiston fuqarosi halok bo`lgani haqida xabar berilgandi.
