21 март куни эрта тонгда Испанияда йирик автомобиль ҳалокати содир бўлди, бунинг оқибатида 13 киши ҳаётдан кўз юмди.
61 кишини Валенсия-Берселона йўналишида олиб кетаётган автобус қарама-қарши йўлга чиқиб кетиб, автомобиль билан тўқнашиб кетган. Оқибатда 13 киши ҳалок бўлган, қурбонларнинг барчаси қизлар, деб ёзади Euronews. Ҳозирда уларнинг фуқаролиги аниқланган. Бу ҳақда Каталония ҳукумати хабар берди.
ЙТҲ оқибатида етти нафар Италия, икки нафар Германия, шунингдек Руминия, Франция, Ўзбекистон ва Австрия фуқаролари вафот этган. Қизларнинг ёши 19 дан 25 ёшгача бўлган, дастлабки маълумотларга кўра, уларнинг айримларида хавфсизлик камари тақилмаган. Барча йўловчилар Каталония университети талабаларидир.
Автобус салонидаги қолганлар турли даражадаги тан жароҳати олган.
Айтиш жоизки, ҳайдовчининг қонидан алкоголь ва гиёҳвандлик моддалар аниқланмаган, ҳалокатга «инсон омили» сабаб бўлган, дейди Испания ИИВ Хорхе Фернандес Диас
Жабрланганларнинг барчаси 22 дан 29 ёшгача бўлган Испаниялик, Буюк Британия, Швейцария, Норвегия, Туркия ва Украина фуқаролари бўлган ёшлардир. Улар Валенсияда бўлиб ўтган анъанавий “Лас-Фальяс” фестивалида иштирок этиб қайтаётган бўлган.
Каталонияда ҳалок бўлганлар ҳотирасига мотам эълон қилинди.
Аввалроқ, 19 март куни Ростов-Донда ҳалокатга учраган Boeing самолётида Ўзбекистон фуқароси ҳалок бўлгани ҳақида хабар берилганди.
