Sevimli

Toshkentdagi Inha universiteti talabasi Fransiyaga bir oylik sayyohatni yutib oldi

Jamiyat 22.03.2016, 23:20
Toshkentdagi Inha universiteti talabasi Fransiyaga bir oylik sayyohatni yutib oldi

Toshkent shahridagi Inha universitetining (IUT) birinchi bosqich talabasi Nodira Hoshimova Un mois en France (Fransiyada bir oy) tanlovida birinchi o`rinni qo`lga qiritdi.

Tanlov Fransiyaning O`zbekistondagi elchixonasi va Lions clubs de France xalqaro fransuz markazlari tomonidan hamkorlikda tashkil etildi. Ushba tanlov Frankofoniya bayrami doirasida tashkil etildi.

Tanlov fransuz tilida so`zlasha oladigan 18 yoshdan 25 yoshgacha bo`lgan talabalar o`rtasida o`tkazildi. Tanlov ikki bosqichdan iborat bo`lib, to`liq fransuz tilida o`tkazildi.

Birinchi bosqida ishtirokchilar yozma imtihon topshirdilar va uning natijasiga ko`ra besh nafar ishtirokchi yakuniy bosqichga yo`l oldilar. Ikkinchi bosqichda ishtrokchilar og`zaki imtihon topshirdilar.

Toshkent shahridagi Inha universitetining (IUT) birinchi bosqich talabasi Nodira Hoshimova barcha imtihonlarni muvaffaqiyat bilan topshirdi va tanlovda birinchi o`rinni egalladi. Shu bilan birga, u tanlovning bosh sovrini – Fransiyaga bir oylik sayyohatni ham yutib oldi. Tanlov qoidalariga ko`ra, u Fransiyaga iyul oyida borishi mumkin.

Nodira Hoshimova shunday dedi: “Men tanlovda ilk bor ishtirok etdim va g`olib chiqdim. Bu yutug`imdan xursandman. G`alabamni oilamga bag`ishlayman. Menga matematika yoqadi. Hozirda dasturlashni o`rganmoqdaman va kelajakda yaxshi dasturchi bo`lmoqchiman.”

“Bu qizlar uchun yaxshi kasb deb o`ylayman. Dasturlar va ilovalarni istalgan joyda yaratish mumkin, misol uchun, uydan turib ham bemalol ishlash mumkin. Bu oilali va farzandli bo`lgan qizlar uchun juda muhim”, - dedi u.

 

Шарҳлар