O`zbekiston Paralimpiya delegasiyasi Yaponiyada bo`lib o`tadigan XVI yozgi Paralimpiya o`yinlarida ishtirok etish Tokioga etib keldi, deb xabar bermoqda «Dunyo» AA muxbiri.
Paralimpiya delegasiyasini Narita xalqaro aeroportida mamlakatimizning Yaponiyadagi elchisi Muhsinxo`ja Abdurahmonov boshchiligidagi o`zbek diplomatlari, vatandoshlar va yapon ko`ngillilari kutib oldi.
Tashkiliy qo`mita talabiga ko`ra, delegasiya a`zolari dastlab aeroportda koronavirusga qarshi test topshirdi. Test natijalari e`lon qilinganidan so`ng vakillarimiz Olimpiya shaharchasiga yo`l oldi.
Tokio-2020 Paralimpiya o`yinlarining tantanali ochilish 24 avgust kuni bo`lib o`tadi.
O`zbekiston sport delegasiyasi Tokio-2020 yozgi Paralimpiya o`yinlariga sportning 8 turida 55 ta yo`llanma qo`lga kiritgan. Paralimpiyachilarimiz musobaqalardagi ishtirokini 25 avgustdan boshlaydi.
