Ayni kunlarda Toshkent shahri ayollar o`rtasida Osiyo kubogi-2020 saralash o`yinlariga mezbonlik qilmoqda. Unda jamoalar «E», «F» hamda «G» guruhlarida bahs olib bormoqda. Bugun «E» guruhidan joy olgan O`zbekiston futbol terma jamoasi Mongoliya termasiga qarshi maydonga tushdi. Bu haqda "Zamon" yozmoqda.
Vakillarimizning to`liq ustunligida o`tgan o`yinda jamoamiz 12:0 hisobida raqibidan ustun keldi. Uchrashuvda Diyoraxon Habibullaeva va Mahliyoxon Sarikova uchtadan to`p kiritgan bo`lsa, Nilufar Qudratova jamoamizning ikkita goliga mualliflik qildi.
Shuningdek, o`yinda Lyudmila Karachik, Saida Galimova va Maftuna Shoyimova raqib darvozasiga bittadan gol urdi. Mongoliya safida Altuntuya Altansukh uchrashuvning 31-daqiqasida o`z darvozasiga gol urdi.
Eslatib o`tamiz, Osiyo kubogining saralash o`yinlari 25 sentyabrga qadar davom etadi.
