Afsonaviy voqealar qaytmoqda! Bir paytlar Osiyo, Afrika va Lotin Amerikasi mamlakatlarining Toshkent kinofestivali nomi bilan atalgan kinofestival “Ipak yo`li durdonasi” Toshkent xalqaro kinofestivali nomi bilan 28 sentyabrdan 3 oktyabrga qadar O`zbekistonning bir qator shaharlarida asosan, yoshlarning iste`dodini namoyon etishga qaratilgan, yangi, yorqin va innovasion formatda o`tkazilishi kutilmoqda. Bu haqda bugun, 23 sentyabr kuni kinofestivalga bag`ishlab o`tkazilgan Matbuot anjumanida ma`lum qilindi.
Ma`lumot uchun: “Ipak yo`li durdonasi” Toshkent xalqaro kinofestivalini qayta tiklash g`oyasi O`zbekiston Respublikasi Prezidenti Shavkat Mirziyoevga tegishli. Mazkur anjumanni o`tkazish to`g`risidagi qaror joriy yilning 19 iyun kuni imzolangan.
«Ipak yo`li durdonasi» - bu xalqaro hamkasblar bilan tajriba almashish uchun innovasion maydon, yilning eng muhim madaniy hodisasi bo`lishi kutilayotgan muhtasham kino marafonidir. «Ipak yo`li durdonasi» Toshkent xalqaro kinofestivali “Tinchlik, ma`rifat va taraqqiyot uchun” shiori ostida o`tadi.
“Ipak yo`li durdonasi” Toshkent xalqaro kinofestivalining ochilish marosimi Toshkent shahridagi rekonstruksiya qilingan Kino saroyida o`tkaziladi.
Uzoq orziqib kutilgan tadbir – “Ipak yo`li durdonasi” Toshkent xalqaro kinofestivali tantanali ochilish marosimi xalq orasida “Panorama” nomi bilan mashhur bo`lgan Kino saroyida o`tkaziladi. Ochilish marosimida milliy va jahon kinosi hamda estradasi yorqin yulduzlari ishtirok etishadi.
Ayni paytda kinoteatrda keng ko`lamli rekonstruksiya ishlari davom etmoqda. Bino eng zamonaviy, yuqori texnologiyali qurilmalar bilan jihozlanadi. Bu erda yirik kinozal, konferensiya va tadbirlar zali ochiladi. Kinoteatrdan Kino tarixi muzeyi ham o`rin oladi. Uning devorlarida o`zbek kinosi o`tmishini o`zida aks ettirgan nodir eksponatlar joy oladi. Muzey ekspozisiyasidan milliy kinematografiya tarixiga oid eng nodir artefaktlar bilan tanishish mumkin.
Ma`lumot uchun, haftalikda dunyoga mashhur yulduzlar tashrifi kutilmoqda. Sal avval biz ulrning ayrimlari haqida xabar qilgan edik. Jumladan:
Turkiyalik kinorejissyor Toshkent xalqaro kinofestivali mehmoni bo`lishi kutilmoqda
Toshkent xalqaro kinofestivalida turkiyalik mashhur aktrisa ishtirok etishi kutilmoqda
Turkiyalik mashhur qo`shiqchi Serdar Ortach Toshkent xalqaro kinofestivalining mehmoni bo`ladi
