Avval xabar berganimizdek, 12 aprel kuni Malayziya poytaxti Kuala-Lumpur shahrida Jahon chempionati-2018 saralashining 3-bosqichi uchun qur`a tashlash marosi bo`lib o`tadi.
O`FF matbuot xizmatining ma`lum qilishicha, ushbu qur`a tashlash marosimiga Osiyo Futbol Konfederasiyasi taklifiga muvofiq, O`zbekiston milliy terma jamoasi bosh murabbiyi Samvel Babayan hamda terma jamoa menejeri Ramil Ilyosov Malayziyaga jo`nab ketishdi.
Ta`kidlash kerakki, ikkinchi saralash bosqichidan muvaffaqiyatli o`tgan 12ta terma jamoa esa, 12 aprel kuni Kuala-Lumpur shahridagi “Mandarin Oriental” mehmonxonasida bo`lib o`tadigan qur`adan so`ng, JCh-2018 final bosqichiga yo`llanma beruvchi so`nggi saralash bosqichidagi raqiblari nomini bilib oladilar.
Eslatib o`tamiz, mazkur saralash bosqichida, 12ta terma jamoa 6tadan ikki guruhga bo`lingan holda JCh-2018 final bosqichi yo`llanmasi uchun kurashni davom ettiradilar.
O`zbekiston millyi terma jamoasi qur`ada Saudiya Arabistoni bilan 3-savatdan joy olgan.
