Butunrossiya davlat kinematografiya instituti (VGIK)ning Toshkent filiali direktori Eldor Yuldashevga Istanbul akademiyasining “Faxriy akademik” unvoni taqdim etildi. Bu haqda Kinematografiya agentligi Axborot xizmati xabar qildi.
Istanbul akademiyasi – 2010 yilda tashkil etilgan bo`lib, Turkiya Respublikasidagi birinchi va professional kinomaktab sanaladi.
Kinoakademiya hozirda “Qodir Xas” universiteti, Nyu-Yorkning Kolumbiya universiteti, Italiyaning Pegasu universiteti bilan hamkorlikda ta`lim jarayonlarini olib boradi. Uning bitiruvchilari Turkiyaning ko`zga ko`ringan kinomutaxassislari bo`lib etishgan.
Endilikda VGIKning Toshkent filiali ham Istanbul akademiyasi bilan professioanal kadrlar etishtirish bo`yicha hamkorlik aloqalarini o`rnatadi.