Xitoyda yosh bolalarni koronavirusga qarshi emlashga bo`lgan e`tibor kuchaytirildi. Bu haqda Sinhua agentligi xabar berdi.
Qayd etilishicha, 3 yoshdan 11 yoshgacha bo`lgan 84 milliondan ortiq bola koronavirusga qarshi emlandi. 49,5 millionga yaqin bola esa buster vaksinalar bilan emlangan.
“Biz aholining asosiy guruhlari, bolalar va o`smirlarni qishda epidemiyaning oldini olishga qaratilgan buster emlashni boshladik”, - deydi mamlakat sog`liqni saqlash qo`mitasi vakili U Lyan`yu.
Ma`lum bo`lishicha, Xitoyda 2020 yilning dekabridan boshlangan ommaviy emlash kampaniyasi 2021 yilning 13 noyabriga qadar 2,38 milliarddan ortiq odamni xavfli virusga qarshi emlagan. Jumladan, 1,07 milliard odam emlashning to`liq kursidan o`tdi.
