Kelgusi yilda IT xizmatlar hajmi 35 foiz oshirilib, 21 trillion so`mga etkaziladi

Jamiyat 24.12.2021, 21:55
Teglar: Shavkat Mirziyoev
Kelgusi yilda IT xizmatlar hajmi 35 foiz oshirilib, 21 trillion so`mga etkaziladi

Shavkat Mirziyoev bu haqda bugun axborot-kommunikasiya texnologiyalari sohasini rivojlantirishga oid loyihalar taqdimoti bilan tanishish chog`ida ma`lum qildi. Bu haqda Prezident Matbuot xizmati xabar berdi. 

Axborot texnologiyalari barcha sohalarda samaradorlik va qulaylikka xizmat qiladi. Shu bois bu borada ko`lamli ishlar amalga oshirilmoqda. Joylarda 100 dan ortiq IT-maktablar faoliyati yo`lga qo`yildi. “Bir million dasturchi” loyihasi doirasida 500 mingdan ziyod yoshlar dasturlashni o`rgandi.

IT-parklar tashkil etilganidan buyon sohada eksport hajmi 50 barobarga ko`payib, 40 million dollarga etdi. Rezidentlar soni 147 tadan 500 taga oshdi, 300 dan ziyod yangi kompaniyalar faoliyati yo`lga qo`yildi. IT-parklarda 8 ming 500 ta yuqori daromadli ish o`rinlari yaratildi.

Bunday ishlarni davom ettirib, soha rivojini yangi bosqichga ko`tarish bo`yicha rejalar ishlab chiqilgan. Xususan, yirik eksportyorlar bilan ishlab, IT-parklarda xizmatlar eksporti hajmini 80 million dollarga etkazish mo`ljallangan. Yalpi ichki mahsulotda raqamli iqtisodiyot ulushini oshirish, elektron xizmatlar uchun engilliklar yaratish nazarda tutilgan.

Taqdimotda shu borada taklif etilayotgan chora-tadbirlar ko`rib chiqildi.

Davlatimiz rahbari kelgusi yilda IT xizmatlar hajmini 35 foiz oshirib, 21 trillion so`mga etkazish, dasturlash xizmatlarini ko`paytirish uchun barcha imkoniyat borligini ta`kidladi.

Sun`iy intellekt markazini ishga tushirishni jadallashtirish, xorijdan IT mutaxassislar jalb etish tartibini soddalashtirish bo`yicha ko`rsatmalar berildi.

Axborot texnologiyalari va kommunikasiyalarini rivojlantirish vazirligiga kelgusi yilda IT tarmoqlar tezligini 1,8 barobar oshirish hamda 1 million qo`shimcha keng polosali tarmoqlar o`rnatish vazifasi qo`yildi. Bu orqali aholi punktlarining barchasi mobil aloqa va keng polosali internet bilan ta`minlanadi.

Prezident yangi texnologiyalar, avvalo, odamlarga xizmat qilishi,  qulaylik yaratishi zarurligini ta`kidladi. Oxirgi yillarda 300 dan ortiq davlat xizmati elektron shaklga o`tkazilib, shu yilning o`zida ulardan 16 million marotaba foydalanilgan.

Kelgusi yilda Yagona interaktiv davlat xizmatlari portali orqali ko`rsatiladigan xizmatlar ulushi 60 foizga etkazilishi belgilandi.

Taqdimotda bu boradagi yana bir qulaylik: fuqaro pasportining raqamli profili haqida ma`lumot berildi. Gov Pass mobil ilovasi smartfonga o`rnatiladi va unda pasport, diplom, mehnat daftarchasi, haydovchilik guvohnomasi kabi ko`plab hujjatlar jamlanadi. Ya`ni, fuqaroning barcha hujjatlari doim yonida, telefonda bo`ladi. Bu vaqt va pulni tejab, qog`ozbozlikni kamaytirishga xizmat qiladi, ovoragarchiliklarni bartaraf etadi.

“Xavfsiz shahar” tizimi ijrosiga doir masalalarga ham alohida e`tibor qaratildi. 2026 yilgacha bu tizimni to`liq joriy etish vazifasi qo`yildi.

Davlatimiz rahbari sohani rivojlantirishning moliyaviy manbalarini mustahkamlash bo`yicha ham ko`rsatmalar berdi.

Sharhlar

Gurbanguli Berdimuhamedov Shavkat Mirziyoevga turkman xalqi alohida qadrlaydigan alabay zotli kuchuk sovg`a qildi

21.10.2022, 13:45

Turkmanistonga rasmiy tashrif doirasida O`zbekiston Prezidenti Shavkat Mirziyoev ushbu mamlakat Parlamentining yuqori palatasi raisi Gurbanguli Berdimuhamedov bilan uchrashdi, deya xabar bermoqda Prexident matbuot xizmati. Davlatimiz rahbari...
"Afg`onistondagi vaziyatni hal etish va u erda tinch hayotni tiklash muhim". Shavkat Mirziyoev Ostonadagi sammitda nutq so`zladi

13.10.2022, 11:20

O`zbekiston Prezidenti Shavkat Mirziyoev Ostona shahrida bo`lib o`tayotgan Osiyoda hamkorlik va ishonch choralari bo`yicha kengash VI sammitida nutq so`zladi. O`zbekiston rahbari Afg`onistondagi vaziyatni hal etish va...
Shavkat Mirziyoev Urganchda Jaloliddin Manguberdi haykalini ochib berdi (foto)

29.08.2022, 11:46

Avval xabar qilganimizdek, Bugun Prezident Shavkat Mirziyoev Urganch shahrida buyuk sarkarda va davlat arbobi Jaloliddin Manguberdi haykalining tantanali ochilish marosimida ishtirok etish uchun Xorazm viloyatiga...
Shavkat Mirziyoev tashrifni Madinai Munavvara ziyoratidan boshladi (video)

17.08.2022, 16:42

Saudiya Arabistoni Podshohi Salmon bin Abdulaziz Ol Saudning taklifiga binoan ushbu mamlakatga borgan O`zbekiston Respublikasi Prezidenti Shavkat Mirziyoev tashrifni Madinai munavvara ziyoratidan boshladi. O`zbekiston rahbari Madina...