Kinematografiya agentligi va Haydar Aliev nomidagi Ozarbayjon Madaniyat markazi bilan hamkorlikda “First art media” studiyasi tomonidan suratga olingan “Maqsud Shayxzoda. Erkka intilgan shoir” hujjatli filmi Ozarbayjon Respublikasida ham namoyish etildi.
Film ssenariy muallifi va rejissyor Nurillo Narzullaev, operator Muzaffar Yusupov, prodyuser Tohirbek Qo`chqorbekov.
Haydar Aliev nomidagi Ozarbayjon Madaniyat markazi tomonidan mazkur kinokartina O`zbekiston va Ozarbayjon hamkorligida yaratilgan eng yirik va eng yaxshi kinoloyiha sifatida e`tirof etildi hamda film prodyuseri Tohir Qo`chqorbekov faxriy yorliq bilan taqdirlandi.
Kinokartina haqida Ozarbayjon Respublikasi televidenie, matbuot va internet nashrlarida xabarlar chop etildi, hozirda film ozarbayjon tiliga tarjima qilinmoqda.
