Energetika vazirligi bugun, 27 yanvar soat 12:00 holatiga ko`ra, Respublikamiz hududlarida tabiiy gaz ta`minoti bilan bog`liq holat yuzasidan qo`shimcha ma`lumot berdi.
Ma`lum qilinishicha, hozirgi paytda iste`molchilarga tabiiy gaz etkazib berish bo`yicha tizimli ishlar davom ettirilmoqda. Ko`rilgan choralar tufayli tabiiy gaz iste`molchilarining 67 foizida ijobiy natijaga erishildi.
Shu bilan birga, quyida gaz bosimi nisbatan past hududlar ro`yxati keltirilmoqda:
1. Farg`ona viloyatida — 57%;
2. Andijon viloyatida — 75%;
3. Namangan viloyatida — 58%;
4. Toshkent viloyatida — 99%;
5. Surxondaryo viloyatida — 32%;
6. Toshkent shahrida — 18%ni tashkil etmoqda.
Mazkur hudud iste`molchilarining tabiiy gaz bosimini barqarorlashtirish uchun kerakli ishlar olib borilmoqda.
Eslatib o`tamiz, kuni kecha O`zbekistonda yuzaga kelgan nosozlik ortidan yuridik shaxslarga va gaz qo`yish shoxobchalariga gaz berish to`xtatilgan edi. Bugun, 09:00dan boshlab aksariyat gaz qo`yish shoxobchalariga gaz etkazib berish boshlangani ma`lum qilindi.
