Ijtimoiy tarmoqlarda «Kinoteatr» telekanali orqali efirga uzatilgan filmlarning birida ochiq sahnalar namoyish etilgani haqidagi lavha jamoatchilik muhokamalariga sabab bo`ldi.
Mazkur lavha 2021 yilning 31 yanvar kuni soat 22:00da efirga uzatilgan «Baunti» filmi namoyishidan olingan.
Holat yuzasidan O`zbekiston Respublikasi Prezidenti Administrasiyasi huzuridagi Axborot va ommaviy kommunikasiyalar agentligi tomonidan dastlabki o`rganish ishlari olib borilmoqda. O`rganish ishlari Agentlik tomonidan nazoratga olinib, ekspertlar tayinlandi.
O`rganish yakunlari yuzasidan tayyorlangan xulosa asosida «Kinoteatr» telekanaliga taqdimnoma hamda O`zbekiston Respublikasi Bosh prokuraturasiga huquqiy baho berish uchun ma`lumot kiritiladi.
