Ayni damda Oliy Majlis Senatining yigirma uchinchi yalpi majlisi jarayonlari bo`lib o`tmoqda. Majlisda Oliy Majlis Senati Raisi Tanzila Narbaeva O`zbekistonning xalqaro reytinglardagi o`rni haqida gapirdi.
"Amalga oshirilgan izchil islohotlar natijasida nufuzli xalqaro reytinglarda mamlakatimiz o`rni yaxshilanishiga erishildi.
Iqtisodiy erkinlik indeksida mamlakatimiz 44 pog`ona yuqorilab, 108-o`rinni egalladi.
Huquq ustuvorligi indeksi bo`yicha 14 pog`ona yuqorilab 85-o`ringa ko`tarildi. O`zbekiston bu borada eng yaxshi natija ko`rsatgan 3 ta davlatdan biriga aylandi.
Global innovasion indeksda O`zbekiston 7 pog`onaga ko`tarilib, 132 ta davlat orasida 86-o`rinni egalladi va eng jadal yuqorilagan mamlakatlar top 10 taligiga kirdi",–deyiladi Senat Raisi nutqida.
