Bugun Iordaniya qirolligi poytaxti Amman shahrida boks bo`yicha o`smirlar va yoshlar o`rtasida Osiyo chempionatiga start beriladi. Bu haqda Sportni rivojlantirish vazirligi xabar berdi.
Mazkur Osiyo chempionatida qit`amizning 21 mamlakatidan jami 352 nafar bokschi bahslarda ishtirok etishi ma`lum qilindi. Jumladan, O`zbekiston sharafini o`smirlar o`rtasidagi janglarda 25 nafar, yoshlar o`rtasida esa 24 nafar, jami 49 nafar sportchimiz himoya qiladi.
Musobaqa o`smirlar o`rtasida 2006-2007 yillarda tug`ilganlar, yoshlar o`rtasida esa 2004-2005 yillarda tavallud topgan bokschilar o`rtasida tashkil etilmoqda.
Bugun, 2 mart kuni musobaqaning birinchi kun janglariga start beriladi. Unda uch nafar bokschimiz ringga ko`tariladi.
Janglar Toshkent vaqti bilan soat 18:00da boshlanadi.
