Xalqaro shaxmat federasiyasi (FIDE) tomonidan har oy boshida e`lon qilinadigan reytingda ayni paytda kuchli 100likdan ikki nafar shaxmatchimiz o`rin olgan. Bu haqda Sportni rivojlantirish vazirligi ma`lum qildi.
Jumladan, mamlakatimizning birinchi raqamli shaxmatchisi, rapid yo`nalishida eng yosh jahon chempioni Nodirbek Abdusattorov o`tgan oydagi o`rnidan biroz pastladi, biroq u baribir reytingda peshqadam bo`lib turibdi.
FIDE reytingi:
80-o`rin (o`tgan oydagi o`rni — 74). GM Nodirbek Abdusattorov (2004) 2661 ball.
82-o`rin GM Rustam Qosimjonov (1979-yili tug`ilgan) 2659 ball.
FIDE 20 yoshgacha bo`lgan shaxmat ustalarining reyting o`rinlarini alohida hisoblab boradi. Eng kuchli 100 nafar yosh shaxmatchi ro`yxatidan ayni paytda 4 nafar shaxmatchimiz o`rin olgan:
5-o`rin GM Nodirbek Abdusattorov (2004) – 2661.
12-o`rin GM Nodirbek Yoqubboev (2002) – 2630.
17-o`rinGM Javohir Sindorov (2005) – 2609.
28-o`rin GM Shamsiddin Vohidov (2002) – 2536.
Rapid yo`nalishida esa hamyurtlarimizdan faqatgina Nodirbek Abdusattorov kuchli yuzlikdan joy olgan, u 2670 ball bilan 37-o`rinda qayd etilgan.
Blis yo`nalishida TOP-100dan 3 nafar shaxmatchimiz joy olgan:
36-o`rin Rustam Qosimjonov – 2681.
47-o`rin Nodirbek Abdusattorov – 2663.
49-o`rin Javohir Sindorov – 2657.
