Milliarder Alisher Usmonov rafiqasi, Umumrossiya badiiy gimnastika federasiyasi prezidenti Irina Viner bilan ajrashmoqda. Bu haqda «Metronews» xabar bermoqda.
Ma`lum qilinishicha, ular 50 yilga yaqin birga yashab, shundan 30 yil qonuniy nikohda bo`lgan. Ularning har biri alohida uyga egaligi, turmush o`rtoqlar hatto birga yashamasligi ta`kidlangan. Ajrashish uchun ariza 4 may kuni kelib tushgan. Shu bilan birga, Usmonov ishda fuqaroviy da`vogar, Viner esa javobgar sifatida ishtirok etadi.
Endi er-xotin umumiy mulkni bo`lishishi kerak. Mulkning bir qismi yaqinda sanksiyalarga uchragan: Fransiyada milliarderning ikkita vertolyoti, Germaniyada esa onasi nomi bilan atalgan 156 metrlik «Dilbar» yaxtasi hibsga olingan. Hozircha na Viner, na Usmonov ajrashish qaroriga izoh bermagan.
