Saudiyaning “Flyadeal” aviakompaniyasi qirollik tarixida ilk bor to`liq ayollardan iborat ekipaj reysini tashkil qildi. Bu haqda manbalarga tayanib Zamon.uz' nashri xabar berdi.
Qayd etilishicha, “Airbus–320” samolyoti Ar-Riyod—Jidda yo`nalishi bo`yicha ichki reysni amalga oshirgan. Ekipajning barcha a`zosi, xususan, uchuvchilar va styuardessalar ham ayollardan iborat.
“So`nggi yillarda qirollikda ayollarga katta huquq va imkoniyatlar berilganidan so`ng, saudiyalik ayollar ko`plab sohalarda, jumladan, aviasiyada ham o`zlarini ko`rsatishga muvaffaq bo`lmoqda”, — deyiladi xabarda.
Ma`lum bo`lishicha, endilikda qirollik mavjud milliy aviatashuvchilardan tashqari yana bir aviakompaniyani ishga tushirishni va Ar-Riyodda yirik xalqaro aeroport qurishni rejalashtirmoqda.
