Toshkentda 26-29 may kunlari “Barqaror rivojlanishda fundamental fanlar Xalqaro yili” (YuNESKO) doirasida “Kimyo-barqaror rivojlanish uchun” xalqaro ilmiy-texnikaviy haftaligi bo`lib o`tmoqda.
Haftalik doirasida
- “Shisha, keramika va bog`lovchi materiallar ishlab chiqarishning innovasion texnologiyalari” xalqaro konferensiyasi;
- “Yosh kimyogarlar tanlovi” respublika kimyo olimpiadasi;
- “Yosh olimlar” xalqaro forumi;
- Kimyogar olimlar ishtirokida seminarlar, Master klasslar bo`lib o`tadi.
Ilmiy haftalikka 50 ga yaqin xalqaro mehmonlar tashrif buyurishdi. Bugun, 26 may kuni Ilmiy haftalik doirasida Toshkent kimyo-texnologiya instituti, “Uzkimyosanoat” AJ, “O`zsanoatqurilishmateriallari” uyushmasi bilan hamkorlikda Birlashgan millatlar tashkiloti tomonidan e`lon qilingan “Xalqaro shisha yili” doirasida “Shisha, keramika va bog`lovchi materiallar ishlab chiqarishning innovasion texnologiyalari” xalqaro konferensiyasi start oldi.
2021 yil 18 may kuni Birlashgan Millatlar Tashkiloti Bosh Assambleyasi BMTning 75/279-sonli rezolyusiyasini qabul qilib, 2022 yilni “Xalqaro shisha yili” deb e`lon qilib, “jamiyatimizdagi oynaning rolini yoritish” va shisha kabi texnologiyalar qanday hissa qo`shishini ko`rsatishi mumkin.
Shisha bo`yicha xalqaro komissiya (ICG), Shisha assosiasiyalari hamjamiyati (CGA) va ICOM-Glass 2022 yilni Birlashgan Millatlar Tashkilotining Xalqaro shisha yili sifatida uning ilmiy, iqtisodiy va madaniy rolini ta`kidlash va bir necha yubileylarni nishonlash uchun ilgari surdi.
Bugungi “Shisha, keramika va bog`lovchi materiallar ishlab chiqarishning innovasion texnologiyalari” xalqaro ilmiy-texnik konferensiyasi BMT tomonidan e`lon qilingan va IYOG-2022 xalqaro tadbirlar ro`yxatiga kiritilganIYOG-2022 xalqaro shisha yili doirasida tashkil etilmoqda.
Xalqaro konferensiyaga 500 ga yaqin ilmiy maqola va ishlanmalar kelib tushdi. Xalqaro eksportlar guruhi tomonidan 450 ga yaqin maqolalar tanlab olinib, chop etildi. Konferensiyaga AQSh, Italiya, Ispaniya, Polsha, Armaniston, Janubiy Koreya, Rossiya Federasiyasi, Belarus, Qozog`iston, Qirg`iziston kabi 30 dan xorijiy davlatdan ilmiy maqolalar kelib tushdi. Bugun o`tkazilayotgan konferensiyada Birlashgan millatlar tashkiloti vakillari, 50 ga yaqin xorijiy mehmonlar jumladan Rossiya, Belorussiya, Italiyadan tashrif buyurgan professorlar, ishlab chiqarish vakillari bevosita ishtirok etishdi. Bundan tashqari Toshkent kimyo-texnologiya institutida tashkil etilgan Kuzatuv kengashi a`zolari, hamkor tashkilot vakillari, ishlab chiqarish vakillari bevosita va onlayn tarzda ishtirok etishmoqda.
Konferensiya davomida Toshkent kimyo-texnologiya instituti kafedralari tomonidan eng so`nggi ilmiy ishlanmalar namoyishi-ko`rgazmasi, Toshkent chinni zavodi, Glass expo, Kvars kabi ishlab chiqarish korxonalari tomonidan ko`rgazmalar tashkil etildi.
Xalqaro ilmiy-texnik anjumandan ko`zlangan maqsad silikat materiallari – shisha, keramika va bog`lovchi materiallar ishlab chiqarishning zamonaviy innovasion texnologiyalarini muhokama qilish, jahon hamjamiyatini O`zbekiston shisha sanoati yutuqlari bilan yaqindan tanishtirishdan iborat.
Anjumandan ko`zlangan maqsad ilmiy faoliyatda erishilayotgan salmoqli natijalarni respublika va xorijda ommalashtirish, shisha, kulolchilik va bog`lovchi moddalar sanoatini yanada rivojlantirishdan iborat.
Xalqaro konferensiya 27 may kuni ham o`z faoliyatini davom ettiradi.
