Shvesiyada kasallanish xavfi yuqori bo`lgan odamlar uchun koronavirusga qarshi vaksinaning beshinchi dozasi tavsiya qilindi. Bu haqda "Interfaks" xabar tarqatmoqda.
Qayd etilishicha, xavfi yuqori bo`lgan odamlar qatoriga yoshi 65dan o`tganlar hamda xomilador ayollar kiradi.
"Vaksina jiddiy kasallik va o`limning oldini olish uchun bizning eng kuchli vositamizdir", - deydi mamlakat sog`liqni saqlash vaziri.
Manbada keltirilishicha, Shvesiyada 18 yoshdan 64 yoshgacha bo`lgan aholisi uchun preparatning uch dozasi va 12 yoshdan 17 yoshgacha bo`lganlar uchun ikki doza tavsiya etilgan. Faqatgina 12 yoshgacha bo`lgan bolalar kovidga qarshi emlanmaydi.
