Швецияда касалланиш хавфи юқори бўлган одамлар учун коронавирусга қарши вакцинанинг бешинчи дозаси тавсия қилинди. Бу ҳақда "Интерфакс" хабар тарқатмоқда.
Қайд этилишича, хавфи юқори бўлган одамлар қаторига ёши 65дан ўтганлар ҳамда хомиладор аёллар киради.
"Вакцина жиддий касаллик ва ўлимнинг олдини олиш учун бизнинг энг кучли воситамиздир", - дейди мамлакат соғлиқни сақлаш вазири.
Манбада келтирилишича, Швецияда 18 ёшдан 64 ёшгача бўлган аҳолиси учун препаратнинг уч дозаси ва 12 ёшдан 17 ёшгача бўлганлар учун икки доза тавсия этилган. Фақатгина 12 ёшгача бўлган болалар ковидга қарши эмланмайди.
