AQShlik ekspertlar rublni joriy yildagi barqaror valyuta deb atadi. Bu haqda zamon.uz Amerikaning “SBS” telekanalida namoyish qilingan intervyuga tayanib ma`lum qildi.
Tahlilchilarning fikricha, 2022 yilning yanvar oyidan boshlab rubl dollarga nisbatan 40 foizga qimmatlashgan. Bunga energiya narxining tez o`sib borishi va ularga to`lovlarlarni rublda amalga oshirishga o`tilgani sabab bo`lgan. Shuningdek, Rossiya Fedarasiyasining Markaziy banki tomonidan kapitalning chetga chiqib ketishi ustidan nazorat o`rnatilgan.
“Bunday chidamlilik Rossiya iqtisodiyotini G`arb sanksiyalaridan himoya qilishga yordam beradi”, — deyiladi intervyuda.
Ma`lumot uchun, O`zbekistonda 2022 yil 1 yanvar holatiga ko`ra, 1 rossiya rubli 147.07 so`mni tashkil etgan bo`lsa, hozirda (30.05.2022 holatida) uning qiymati 164.87 so`mga etgan.
