Viloyat IIB Axborot xizmati holat yuzasidan munosabat bildirdi.
Qayd etilishicha, ijtimoiy tarmoqlari orqali tarqalgan “Farg`onada yigit tanishi bo`lgan qizni ko`cha o`rtasida urib ketdi” sarlavxali video Farg`ona viloyati IIB tomonidan o`rganib chiqildi.
Aniqlanishicha, joriy yilning 25 iyun kuni Dang`ara tumanida yashovchi, o`zaro tanish bo`lgan fuqarolar A.D, va N.T. (ayol) o`rtasida rashk tufayli kelishmovchilik yuzaga kelgan. Buning oqibatida, A.D, N.T ni qo`l va oyoqlari bilan urib, tepib voqea joyidan ketib yuborgan.
"Hozirda mazkur xolat yuzasidan sudga oid tibbiy ekspertiza tayinlanib, Dang`ara tuman IIB tomonidan tergovga qadar tekshiruv harakatlari olib borilmoqda. Tekshiruv yakuniga ko`ra qo`shimcha ma`lumot beriladi",-deyilmoqda IIB xabarida.