Sevimli

“Shifoxonalarda “oyoq bosishga joy yo`q” — Nurmat Atabekov SOVID-19 bo`yicha tarqalayotgan audioxabarlarga izoh berdi

Jamiyat 29.06.2022, 09:13
Teglar: SOVID-19, Nurmat Atabekov
“Shifoxonalarda “oyoq bosishga joy yo`q” — Nurmat Atabekov SOVID-19 bo`yicha tarqalayotgan audioxabarlarga izoh berdi

Ijtimoiy tarmoqlarda qat`iy karantin choralari yana kuchaytirilishi, virusning yangi shtammlari tarqalayotgani, shifoxonalarda “oyoq bosishga joy yo`q”ligi haqidagi audioyozuvlar tarqalmoqda.

Ushbu gap-so`zlar qanchalik haqiqatga yaqin?  

Bu savolga Sanitariya-epidemiologik osoyishtalik va jamoat salomatligi xizmati boshlig`i o`rinbosari, tibbiyot fanlari doktori, professor Nurmat Atabekov atroflicha javob berdi:

— Bu audioyozuvlarlarni tinglab ko`rsangiz, ular sizga tanish tuyuladi. Chunki ushbu xabarlar kasallik avj olgan o`tgan yilgi pandemiya davrida ham o`rtaga chiqqan edi. Buni ulardagi leksika va umumiy manzaradan ham sezish qiyin emas.  

Deylik, bu xabarlardan birida virusning yangi shtammi tarqalib ketgani haqida so`z boradi.  

Holbuki, ayni paytda yurtimizda koronavirusning asosan “omikron” shtammi aniqlanmoqda. Bu bemorlarning 98 foizida kasallik engil darajada kechyapti. Mazkur shtammning yurtimizda tarqala boshlaganiga esa yarim yilga yaqinlashyapti.  

Sog`liqni saqlash vazirligi va Sanitariya-epidemiologik osoyishtalik va jamoat salomatligi xizmati rasmiy manbalarida koronavirusning tarqalishi bo`yicha so`nggi yangiliklar berib borilmoqda. Asl vaziyatga qaraydigan bo`lsak, bir kunda mamlakatimizda o`rtacha 100-120 ta kasallanish qayd etilmoqda. Albatta, 35 million aholi orasida bu — juda kichik ko`rsatkich.  

Shunday bo`lsa-da, COVID-19 ga chalinmaslikning asosiy va eng samarali yo`li vaksinasiya bo`lib turibdi. 2 yoki 3 bosqichli emlashni qabul qilgan fuqarolar 6 oydan so`ng buster dozani olishlari, shundan 6 oy o`tib, yana qayta emlanishlari mumkin.

Yuqoridagi asossiz xabarlarni tarqatayotgan kimsalar aholi orasida xavotir uyg`otishga harakat qilayotgani ko`rinib turibdi.  

 

"Yuqoridagi asossiz xabarlarni tarqatayotgan kimsalar aholi orasida xavotir uyg`otishga harakat qilayotgani ko`rinib turibdi. Shu bois fuqarolardan ijtimoiy tarmoqlardagi axborotlarni sog`lom aql bilan baholashlarini, ularni tarqatayotganda asosliligini tekshirib ko`rishlarini so`raymiz", - deya qo`shiimcha qiladi SSV matbuot xizmati. 

 

 

Sharhlar