Sevimli

Nukus ko`chasi qonga to`lgani haqida yolg`on xabar tarqatgan polshalik jurnalist uzr so`rab chiqdi

Jamiyat 03.07.2022, 17:49
Nukus ko`chasi qonga to`lgani haqida yolg`on xabar tarqatgan polshalik jurnalist uzr so`rab chiqdi

Bir muddat avval ijtimoiy tarmoqlarda Nukus ko`chasining qonga bo`yalgani aytilayotgan video va suratlar tarqaldi.

Ma`lumotlarga asosan, mazkur yolg`on xabarni o`zining tvitter sahifasida e`lon qilgan polshalik Agneshka (Agnieszka Pikulicka-Wilczewska) O`zbekistonda istiqomat qiluvchi mustaqil jurnalist bo`lib, u New Eastern Europe jurnalining sobiq muharriri va Jurnalistikadagi ayollar koalisiyasi a`zosi hisoblanadi. U inson huquqlari va mojarolar bilan bog`liq mavzularda ko`p yozgan, asosan postsovet hududi, Afg`oniston va Livanga e`tibor qaratgan. Uning maqolalari Al Jazeera English,  The Guardian,  Foreign Policy, The Diplomat, Eurasianet va boshqa ommaviy axborot vositalarida chop etilgan.

U ikkita akademik kitobni tahrir qilishda qatnashgan: "Ukraina va Rossiya: odamlar, siyosat, targ`ibot va istiqbollar" (2015) va "Migrasiya va Ukraina inqirozi: ikki mamlakat istiqboli" (2017). Ta`kidlab o`tilishicha, hozirda u O`zbekistondagi birinchi hisobot kitobi ustida ishlamoqda.

Sal avval Agnieszkaning tarqatgan xabaridan yolg`on bo`lib chiqdi. Videoda aks etgani ko`chalardagi qizil rang "suv to`plari"ning rangi bo`lgan.

Nima uchun "suv to`plari"dan foydalaniladi?

Jahon amaliyotida bo`lgani kabi namoyishchilarni aniqlab olish uchun maxsus bo`yoqli suvdan foydalaniladi. Suratlarga ahamiyat bersangiz, turli davlatlarda mashinalar ko`chalarda turli rangda suv sepayotganligini ko`rishingiz mumkin.

Bir muddat o`tib Agnieszka ham tarqatgan feyk xabari uchun uzur so`rab chiqdi.

"I deleted a tweet I shared yesterday, with a video of alleged blood on the streets of  #Karakalpakstan since many pointed out that it may not be I apologize. This does not change the fact that there is growing evidence of casualties #Uzbekistan",-said Agnieszka.

"Kechagi #Qoraqalpog`iston ko`chalarida qon ketayotgani haqidagi video bilan baham ko`rgan tvitimni o`chirib tashladim, uzr so`rayman. Bular qurbonlar soni ortib borayotgani haqidagi faktni o`zgartirmaydi #O`zbekiston", - dedi Agneshka.

Dilbar Abdunabieva.

Sharhlar