Bugun Talandda dzyudo bo`yicha o`smirlar va yoshlar o`rtasida Osiyo chempionati o`z yakuniga etdi, deya xabar bermoqda Sportni rivojlantirish vazirligi.
Ma`lum qilinishicha, musobaqaning so`nggi ikki kuni yoshlar jami 14 ta vazn toifasida g`oliblik uchun tatamiga chiqishdi. Bugungi bellashuvlar og`ir vazn toifalarida kechdi va unda O`zbekiston terma jamoasi 2 ta oltin, 1 ta kumush, 5 ta bronza medaliga ega chiqdi.
Qit`a chempionati yakunida esa Kamol Murodov va Iskandar Rasulov murabbiyligidagi o`zbekistonlik dzyudochilar 5 ta oltin, 1 ta kumush, 8 ta bronza medali bilan umumjamoa hisobida 15 davlat orasida ikkinchi o`rinni qo`lga kiritishdi.
"Janubiy Koreya terma jamoasi 6 ta oltin, 1 ta kumush, 6 ta bronza medali bilan bu borada birinchi bo`lishdi. Kuchli uchlikka 2 ta oltin, 7 ta kumush va 6 ta bronza medali bilan Qozog`ston terma jamoasi yakun yasab berdi",-deyiladi vazirlik xabarida.
Quyida shohsupaga ko`tarilganlar bilan tanishing:
Oltin medal:
-48 kg: Halimajon Qurbonova,
-66 kg: Azizbek Ortiqov,
-57 kg: Shukurjon Aminova,
-90 kg: Jahongir Mamatrahimov,
+100 kg: Islombek Ravshanqulov.
Kumush medal:
+100 kg: O`tkirbek To`raboev.
Bronza medal:
-52 kg: Umida Jumaniyozova,
-63 kg: Farangiz Rejepova,
-70 kg: Shahlo Egamberganova,
-78 kg: Irisxon Qurbonboeva,
+78 kg: Mohinur Parmonova,
-73 kg: Hojiakbar Toshev,
-81 kg: Nurbek Murtazoev,
-100 kg: Muhammadqodir Mansurov.
