Uch karra “Oltin to`p” sohibi Krishtianu Ronaldu Ibisadagi restoranlarning birida italiyalik model Kristina Buchchino bilan uchrashdi. Bu haqda Sports.uz xabar bermoqda.
Futbolchining bu ishi darrov ijtimoiy tarmoqlarda muhokamaga sabab bo`ldi. Nima gap ekanini so`ragan muxlislarga futbolchi ham, Kristina Buchchino ham aniq javob bermadi.
“Men restoranga kelganimda Ronaldu o`sha erda edi. Ko`z ko`zga tushdi va men uning kechki ovqatga taklifini qabul qildim. Ronaldu zo`r yigit ekan”, – dedi Kristina Buchchino.
Krishtianu Ronaldu dam olish jarayonida tinmay turli voqealar markaziga tushib qolmoqda. Bir necha kun avval u selfi tushishga intilgan muxlisini turtib yuborib, kibrlik va manmanlikda ayblangandi.
