Prezident Shavkat Mirziyoev 10 avgust kuni Toshkent arxitektura qurilish institutiga tashrif buyurib, shaxmat olimpiadasida g`olib bo`lgan o`zbekistonlik shaxmatchilar haqida gapirgan. Bu haqda Yoshlar ishlari agentligi direktori Alisher Sadullaev xabar berdi.
“Shaxmatga oid 3 yilda uchta qaror qabul qildik. Nima uchun? Biz 20 yil davomida bu sohada kechikkanimiz uchun qarorlarni qabul qildim. 2026 yilgi shaxmat Olimpiadasiga endi barcha boshqacha tayyorgarlik ko`radi. “Biz chempionlar yurtiga boryapmiz”, deyishadi.
Ularga katta mukofotlar bersak boshqalar uchun ham bu motivasiya bo`ladi. Hamma ota-onalar farzandlarini shaxmat to`garaklariga berishni boshlaydi.
Ularga davlat mukofotlarini ham beramiz. Bundan tashqari, avtomobil berishni ham rejalashtirdik. Axir ularning bokschilardan nimasi kam?”, - degan davlat rahbari.
Shuningdek, Prezident 5 avgust kuni imzolagan qarorga binoan shaxmatchilarga 600 milliondan berilishini qo`shimcha qilgan.