Hodisa bugun sodir bo`lgan. Bu haqda Toshkent shahar IIBB YHXB axborot xizmati xabar bermoqda.
Aniqlik kiritilishicha, 14 avgust kuni soat taxminan 07:30 larda, Toshkent shahar Sirg`ali tumanida yashovchi 2002 yilda tug`ilgan fuqaro P.I. Vaz 2106 rusumli transport vositasini Sirg`ali tumani Yangi Sirg`ali ko`chasi bo`ylab avtomashinalar sotuvi bozori tomondan janubiy temir yo`l vokzali tomonga harakatlanayotib, “Turon” savdo majmuasi binosi qarshisida rul boshqaruvini yo`qotib daraxtga urilgan.
Yo`l transport hodisasi natijasida haydovchi tan jarohati olib shifoxonaga yotqizilgani aytiladi.
"Holat yuzasidan tegishli hujjatlar rasmiylashtirilib hozirda surishtiruv harakatlari olib borilmoqda",-deyiladi xabarda.