Doimiy ro`yxatga qo`yish uchun qanday hujjatlar talab etiladi?

Toshkent shahriga doimiy propiska qilinishi mumkin bo`lgan shaxslardan qanday hujjatlar talab qilinadi?

U.Ochilov, Toshkent shahi

B.Shorixsiev, Ichki ishlar vazirligi XChK va FRB boshlig`i:

— Amaldagi me`yoriy hujjatlargako`ra, Toshkent shahri va Toshkent viloyatida doimiy propiska qilinadigan fuqarolar tuman, shahar IIB XChK va FRBga quyidagi hujjatlarni:

•  Belgilangan shakldagi doimiy propiska qilish to`g`risida ariza;
•  Fuqarolik pasporti;
•  Kontrakt bo`yicha harbiy xizmatchining yoki Qurolli Kuchlar ofiserining shaxsiy guvohnomasi;
•  Turar joy uchun hujjatlarning notarial tasdiqlangan nusxalari;
•  Uy-joy mulkdorlarining turar joy maydoni berishi to`g`risida notarial tasdiqlangan arizasi;
•  Tug`ilganlik to`g`risidagi guvohnomalarning notarial tasdiqlangan nusxalari;
•  Ota-onasining o`limi haqidagi guvohnoma yoki ota-onasini deb, e`lon qilish haqidagi sudning hal qiluv qarori nusxasi;
•  Mehnatga qobiliyatsiz bo`lgan hamda o`z oilasi (eri, xotini va farzandlari) bo`lmagan voyaga etgan tug`ishgan aka-uka va opa-singillar oxirgi yashash joyidan oilaviy ahvoli to`g`risida FHDYo organining ma`lumonomasi;
•  Vasiylik (homiylik)ni tasdiqlovchi hujjatning notarial tasdiqlangan nusxasi;
•  Davlat boji to`langanlik to`g`risidagi kvitansiyani taqdim etadilar.

Shuningdek, mehnatga qobiliyatsiz, bolalikdan nogironlar, oltmish yoshga to`lgan erkaklar va ellik besh yoshga to`lgan ayollar, belgilangan tartibda birinchi va ikkinchi guruh nogironi deb topilgan fuqarolar, ushbu fuqarolar tomonidan tibbiy mehnat ekspert komissiyasi bergan ma`lumotnoma taqdim etadilar. 

Shuningdek, “Avtobezak uchun jazo bormi?”, “Pul jo`natmalarining narxi qancha?”, “O`qituvchi necha yilda malaka oshirishi kerak?”, “Bolalar uchun liboslar qanday tanlanadi?” kabi bir qator savollarga “Darakchi” gazetasining 11 avgust kuni sotuvga chiqadigan yangi sonida javob olishingiz mumkin.