Artel'ning Facebook ijtimoiy tarmog`idagi sahifasida Namangan viloyati, Norin tumanida faoliyat yurituvchi 3-umumta`lim o`rta maktabi o`qituvchisi Nafosat Muxitdinova "Bir maktabga ming kitob" aksiyasini o`tkazish taklifini bildirgandi.
Kompaniya kitob aksiyasining dastlabki ishtirokchisiga aylangan, Norin tumanidagi 3-umumta`lim maktabiga o`quvchilar so`ragan kitoblar to`plamini etkazib berdi.
"Facebook orqali aksiya o`tkazish taklifi bilan chiqqan edim. Birinchilardan bo`lib Artel jamoasi taklifimga javob berdi. Buni hecham kutmagandim",-deydi Nafosat Muxitdinova mamnunligini yashirmay.
U so`zida davom etarkan, kompaniya tomonidan amalga oshirilayotgan ishlarni bir o`qituvchi sifatida yuqori baholadi.
"Bu jamoa bir kun ichida o`quvchilarimiz so`ragan ko`plab kitoblarni etkazib berishdi. Biz bundan juda mamnun bo`ldik. Shuni anglab ettikki, ular nafaqat insonlarni moddiy ta`minotlariga, balki ma`naviyatlariga ham e`tibor berishar ekan",-deydi o`qituvchi.
Eslatib o`tamiz, kompaniya kitobxonlikni targ`ib qilishga oid qator loyihalar tashabbuskori.
Artel mikro kutubxonasi — kitob uychalari fikrimizning yaqqol isbotidir.
