"Yamal" aviakompaniyasi Samarqand va Moskva o`rtrasida to`g`ridan-to`g`ri reyslarni yo`lga qo`ydi. Bu haqda “Uzbekistan Airports” xabar berdi.
Ma`lum qilinishicha, 20 sentyabr kuni Samarqand xalqaro aeroporti Rossiyaning "Yamal" aviatashuvchisining birinchi yo`lovchi reysini qabul qildi.
Moskvadan (Domodedovo) Airbus A321 samolyoti Samarqand aeroportiga kelib qo`ndi va u tantanali ravishda suv arkasi bilan kutib olindi.
"Yamal" aviakompaniyasining Moskva – Samarqand – Moskva yo`nalishi bo`yicha charter reyslari haftada bir marta seshanba kunlari amalga oshiriladi. Samarqanddan uchish esa mahalliy vaqt bilan soat 08:00 da amalga oshiriladi.
Shuningdek, "IrAero" aviakompaniyasi Samarqanddan Qozonga parvozlarni boshladi. Ya`ni, Rossiyaning "IrAero" aviakompaniyasi "Samarqand" xalqaro aeroportidan Tatariston poytaxti — Qozon shahriga yangi yo`nalish ochdi.
20 sentyabrdan boshlab Samarqandga va ortga reyslar haftada bir marta seshanba kunlari amalga oshiriladi. Oktyabr oyi oxirigacha 2022 yil bahor-yoz mavsumi doirasida samolyotlar Samarqanddan Qozonga mahalliy vaqt bilan soat 18:30da parvoz qiladi.
Yo`lovchilarni tashish Sukhoi Superjet 100 samolyotlarida amalga oshiriladi. Bir yo`nalishdagi parvoz vaqti 3 soat 40 minut.
Eslatib o`tamiz, sal avval Rossiyaning "Yamal" aviakompaniyasi Namanganga ham parvozlarni boshladi.
