Rutgers va Michigan universiteti olimlari erkakning baxtli bo`lishi turmush qurgandan keyin rafiqasining o`zini qanday his qilishiga bog`liq ekanligini aniqladi, deb xabar berdi “Islam-today.ru” nashri.
To`ydan keyin ayol o`zini qanchalik baxtli his etsa, uning eri ham o`zini juda baxtiyor sezadi. “Chunki, ayol o`zini baxtli his qilgandan keyin erining ko`nglini olishga urinadi. Erkaklar esa his-tuyg`ularini oshkor etishni istamagani bois ularning holati oilaviy turmush sifatiga kuchli ta`sir etmaydi”, deydi Rutgers Universiteti sosiologiya kafedrasi professori Debora Karr.
Tadqiqot davomida, o`rta hisobda 39 yildan beri birga yashayotgan, 60 yoshdan oshgan 394 nafar juftlikning ma`lumotlari tahlil qilindi.
Er-xotinlar orasidagi munosabatlarga oydinlik kiritish maqsadida ulardan necha marta urishishlari, bir-birlarini tushunishlari va bir-birlarining qadriga etish-etmasliklari haqida savollar berildi. Ulardan birgalikda televizor tomosha qilish, sayr qilish, do`konlarni aylanish so`ralib, 24 soat davomidagi kechinmalarini qog`ozga tushirish so`raldi. Sinov natijasida hayotining barcha jabhalaridan mamnun bo`lgan odamlargina, oilaviy hayotidan qoniqishini bildirdi.
Karrning so`zlariga qaraganda, agar erkak kasal bo`lib qolsa, ayol o`zini baxtsiz, chorasiz his qiladi, ammo erkaklarda bunday emas, bu borada ular ayollardan keskin farq qiladi.
“Agar er kasal bo`lsa, ayolning tahlikaga tushib, elib-yugurishi hech kimga sir emas. Mabodo ayolning biror joyi og`rib, to`shakka mixlansa, u eriga emas, balki o`ziga, qiziga suyanadi”, deb qo`shimcha qildi Karr.
Oiladagi munosabatlar mavzusida tadqiqot ishlarini olib borayotgan olimlar uchun baxtli oila sirini topish mavzusi dolzarb bo`lib qolaveradi. Baxtli oilani dunyoga keltirish ayollarning zimmasida ekanligi yangilik emas. Olimlar o`tkazgan bir qator tadqiqotlar natijasida oiladagi tinchlik, xotirjamlik asosan ayolning his-tuyg`ulariga bog`liqligi, aynan oilada ayol kishi hamma narsani hal etuvchi muhim inson rolini o`ynashini aniqlashdi.
Chikago Universiteti olimlari o`tkazgan tadqiqot natijasida shu narsa aniq bo`ldiki, erkak kishining sog`-salomatligi baxtli nikoh omili bo`lib xizmat qilsa-da, oilaviy baxtni ta`minlay olmaydi. Kuzatuvlar oqibatida er-xotin o`rtasida chiqqan nizo va janjallarda avvalo ayol tinchlanib, o`zini tutib olishini ko`rish mumkin. Baxtli turmush kechirish, ayolning turmushidan roziligiga va o`zini baxtli his qilishiga bog`liq. Er-xotin o`rtasida tushunmovchilik, janjal kelib chiqqanda, ayol o`zini qo`lga ola bilsa, tilini tiysa, bunday juftlik mustahkam va baxtli hayot kechiradi. Tadqiqot davomida oilaviy munosabatlar keksalarning sog`ligiga ham ta`sir qilishi ma`lum bo`ldi.
26.09.2021, 17:45
O`zbekistonning qaysi hududida oilalar soni ko`p? Davlat statistika qo`mitasi ma`lumot berdi. Unga ko`ra, 2021 yilning 1 yanvar holatiga O`zbekiston Respublikasida jami 8 871 412 ta oila...
27.05.2021, 16:56
AOKAda “Mahalla va oila” ilmiy-tadqiqot instituti rahbarlari ishtirokida matbuot anjumani bo`lib o`tdi.Anjumanda “O`zbekiston Respublikasida oila institutini 2030 yilgacha yanada mustahkamlash konsepsiyasi” mazmun-mohiyati va ahamiyati haqida...
03.12.2019, 10:59
Poytaxtimizning Mirobod tumanida yashovchi fuqaro H.N. Toshkent viloyati Ohangaron tumani IIBga ariza bilan murojaat qilib, 29 noyabrga o`tar kechasi o`ziga tegishli «Gulobod» mahalla fuqarolar yig`ini...
14.11.2019, 18:36
O`zbekistonda FHDYo organlari hokimliklar tasarrufiga o`tkazilgach, faqatgina sha`riy nikoh bilan yashab kelgan 20 ming 350tadan ortiq oila aniqlanib, ularning nikohi qonuniylashtirildi.Bu haqda 13 noyabr kuni oila...
