Avvalroq o`zbekistonliklarni issiq yozdan so`ng birinchi kuzgi sovuq kutayotgani haqida xabar bergan edik. Shundan so`ng "O`zgidromet" yomg`ir qorga aylanishi mumkinligini aytib, shoshilinch axborot e`lon qildi.
Ma`lumotlarga ko`ra, sun`iy yo`ldoshdan O`zbekistonga yaqinlashib kelayotgan mazkur sovuq havo oqimi surati olindi.
Tonggi 09:45 holatiga nam havo oqimi boshlang`ich qismi Kaspiy dengizi ustidan o`tgan. Ural hududlarida 5 mm gacha yog`in beradigan bulutlar rivojlangan.
Kechasi mazkur bulutli oqimning bir cheti Qoraqalpog`iston respublikasi va Xorazm viloyatidan o`tadi. Nam havo oqimi kirib kelishida yuqoridagi akvatoriyaga yaqin hududlarda shamol kuchayishi va chang to`zon ko`tarilishi mumkinligi aytiladi.
Ta`kidlanishicha, mazkur nam havo oqimi shimoliy hududlarga biroz yog`in berishi ham mumkin ekan.