Аввалроқ ўзбекистонликларни иссиқ ёздан сўнг биринчи кузги совуқ кутаётгани ҳақида хабар берган эдик. Шундан сўнг "Ўзгидромет" ёмғир қорга айланиши мумкинлигини айтиб, шошилинч ахборот эълон қилди.
Маълумотларга кўра, сунъий йўлдошдан Ўзбекистонга яқинлашиб келаётган мазкур совуқ ҳаво оқими сурати олинди.
Тонгги 09:45 ҳолатига нам ҳаво оқими бошланғич қисми Каспий денгизи устидан ўтган. Урал ҳудудларида 5 мм гача ёғин берадиган булутлар ривожланган.
Кечаси мазкур булутли оқимнинг бир чети Қорақалпоғистон республикаси ва Хоразм вилоятидан ўтади. Нам ҳаво оқими кириб келишида юқоридаги акваторияга яқин ҳудудларда шамол кучайиши ва чанг тўзон кўтарилиши мумкинлиги айтилади.
Таъкидланишича, мазкур нам ҳаво оқими шимолий ҳудудларга бироз ёғин бериши ҳам мумкин экан.
